Գյումրու ինֆեկցիոն հիվանդանոցում հոսպիտալացված հիվանդներից վերցված նմուշների մանրէաբանական հետազոտությունների արդյունքում անջատվել է ստաֆիլակոկ: Վերջինս անջատվել է նաև որոշ սննդամթերքների նմուշներից, ինչը վկայում է, որ թունավորումը պայմանավորված է սննդային գործոնով:
Իրականացված հետազոտության արդյունքում պարզվել է, որ խախտվել է սննդամթերի պատրաստման տեխնոլոգիաների գործընթացների հոսքայնությունը, այն է` տեղի է ունեցել մարդկանց անկանոն հոսք դեպի խոհանոց, չեն պահպանվել սննդամթերի պատրաստման և պահպանման կանոնները, ինչի արդյունքում պատրաստվող սննդամթերքը ենթարկվել է երկրորդային աղտոտվածության և պատճառ հանդիսացել սննդային թունավորման համար:
